नेपालमा चलेका दश वर्षे सशस्त्र द्वन्द्वको राजनीतिक तथा आर्थिक आयाम समेटेर एउटा किशोरको प्वाइन्ट अफ् भ्यूबाट लेखिएको उपन्यास तुइन पढ्दा म मज्जाले रमाएँ । कर्णालीको विकट भूगोलमा जन्मेहुर्किएका आमाबुबा, दाजुभाइ तथा दिदीबहिनीले दुःख बाँचेर दुःखकै मृत्यु कसरी मर्नु परेको छ र राज्यको मूलधारबाट कसरी पाखा पारिएका छन् भनेर बुझ्न सुरेश प्राञ्जली लिखित तुइन अत्यन्तै सहायक हुने ठानेको छु । नेपाली साहित्यको चर्चा गर्न लायक भाषिक मिठासयुक्त उपन्यास तुइन यहाँहरुलाई पनि एकपटक पढ्न अनुरोध छ ।
